Este martes 22 de outubro, alumnos das aulas Verde e Azul, xunto cos compañeiros/as de 1º Eso, desprazámonos ata Ourense para visitar o Parque Arqueolóxico da Cultura Castrexa Lansbrica, en San Cibrao de Lás, e o pobo de Ribadavia.
A xornada comezou coa creación de dous grupos para ser máis efectivos na visita. En turnos alternos e coas explicacións de Yolanda , a guía, visitamos en primeiro lugar o museo/centro de interpretación, logo subimos ata o castro e para rematar participamos nun obradoiro de caza no que tentamos demostrar a nosa puntería coa lanza e o propulsor.
Tralo descanso para comer embarcamos novamente no autobús para achegarnos ata Ribadavia, a uns 25 minutos, pasear polo seu casco antigo e escoitar a Antía e Lucía, dúas compañeiras da Eso que o coñecen moi ben.
Comentarios
Publicar un comentario