Viva o outono!

O outono, coas súas cores, olores  e sabores, sempre nos achega momentos para experimentar e estimular os sentidos. 

O alumnado das aulas Vermella e Laranxa gozaron coas actividades desenvolvidas estas semanas:

• Recolleron follas no bosque do noso centro e transportáronnas ata o interior, onde formaron unha alfombra de follas secas. A experiencia de pisar as follas, escoitar o son ao rompelas e a ledicia de botalas polo corpo dos compañeiros/as e sobre un mesmo foi o colofón final.

• Celebramos tamén unha das festas tradicionais galegas propias desta estación, o Magosto. 

• Para perfeccionar a motricidade fina e fortalecer os dedos debullaron unhas espigas de millo. Relaxáronse tanto coa actividade que deixaron só o carozo.

• Como remate, degustaron uns flocos de millo que aportaron o sabor salgado ás experiencias sensoriais desta estación.