Neste 2 abril pretenden concienciar da importancia de prestar os servicios necesarios, individualizados, específicos e especializados, para cada persoa con TEA en cada unha das etapas da súa vida, garantindo así o desfrute dunha vida feliz e de calidade. Así mesmo, reclaman as mesmas atencións e apoios para as familias, responsables e implicadas en primeira persoa, garantindo así a súa calidade de vida e benestar emocional.
Se coñecemos e comprendemos as súas necesidades poderemos facilitarlles os apoios específicos, para a súa participación activa e igualitaria na sociedade, nos seguintes ámbitos:
- Detección e diagnóstico: valoración diagnóstica especializada con ferramentas de detección precoz e servicios de diagnóstico coordinados.
- Atención Temperá: coidados, crecemento e desenvolvemento nas primerias fases da súa vida. Implementación dunha rede de centros especializados e coordinación dos Servizos Sociais, Educación e Saúde.
- Educación: aprender, medrar e desenvolverse. Acceso a centros educativos especializados, nos que se flexibilice e innove a oferta educativa co obxectivo de dotalos das competencias necesarias para a vida adulta e o mundo laboral e nos que se implementen ferramentas e políticas de prevención do abuso e acoso escolar.
- Vida adulta e envellecemento activo: autonomía, acompañamento e coidados ao longo da vida: axustando os procesos selectivos, facilitando o acceso ao mundo laboral con apoio e orientando a comunidade. Coñecer os procesos de envellecemento das persoas con TEA é imprescindible para garantizar o seu envellecemento activo e o das súas familias.
Que é para ti a felicidade? Preme no enlace e accede ao video promocional:
Baixo a campaña Light It Up Blue (Ilumínao de azul) pretenden conseguir que 450 edificios e monumentos emblemáticos de todo o mundo se iluminen de azul como mostra de apoio e solidariedade ás persoas con TEA e as súas familias.
Comentarios
Publicar un comentario