Nas últimas sesións do obradoiro de habilidades manipulativas, o alumnado da aula Azul traballou no bordado dunhas bolsas para uso persoal ou como agasallo para as súas familias.
Empregaron bolsas de algodón reciclado, fíos de cores, agullas e botóns decorativos con forma de corazón e estrela para enriquecer o resultado.
Non só se iniciaron no bordado e no cosido dos botóns, senón que tamén aprenderon a facer borlas de fío que colgaron das asas.
Velaquí unhas fotografías do proceso e do traballo rematado, cos deseños de corazón, peixe, estrela e lúa.
Comentarios
Publicar un comentario