Na semana adicada aos libros, o alumnado da aula Azul desenvolveu diferentes actividades co obxectivo de promover o amor e o pracer da lectura e espertar o interese por diferentes obras escritas.
- Visitaron unha libraría en Marín, onde follearon diversos exemplares e se percataron das diferencias en canto a tamaño, encadernación, material de fabricación, tipo de páxina ou idade dos destinatarios/as. Ademais, mercaron dous exemplares para enriquecer a biblioteca da aula.
- Deseñaron o seu propio marcapáxinas. Esta vez en madeira e empregando rotuladores de pintura.
- Presentaron aos seus compañeiros/as o seu libro favorito e fixeron un debuxo dunha escena da historia.
- Recordaron vocabulario relacionado cos libros e elaboraron un mini caderno, coa técnica da papiroflexia, onde rexistraron todas as palabras aprendidas.
- Visitaron o mercado solidario de libros de segunda man organizado pola ANPA do centro, coa que colaboraron aportando algunhas obras.
.jpeg)
.jpeg)
Pon un libro na túa vida!
Comentarios
Publicar un comentario