O 30 de xaneiro festexamos nas escolas o Día da Non Violencia e da Paz co obxectivo de promover unha cultura de tolerancia, solidaridade, concordia e respecto.
Toda a comunidade educativa participamos, no exterior, no acto da Paz. Escoitamos cancións, lemos un manifesto, sinalamos nun mapa do mundo algúns dos lugares que están a día de hoxe en conflicto e enchemos a mochila que nos acompañará nos próximos meses na nosa viaxe como defensores da paz e do entendemento entre as persoas.
Xa nas aulas desenvolvemos diferentes actividades durante a semana: pintamos a mochila da paz, recordamos símbolos coma a pomba e a oliveira, traballamos sobre os materiais escolares outorgándolle un significado non violento, escoitamos cancións, investigamos a biografía de persoas nomeadas co Premio Nobel, lemos noticias sobre a guerra de Ucraína, completamos fichas interactivas e representamos co corpo e coas mans mandalas de paz.
Comentarios
Publicar un comentario