Hoxe... sobremesa!

 

Gústanvos as sobremesas?

Pois tomade nota destes ingredientes se queredes preparar en familia esta deliciosa torta de queixo "marmolada" como fixeron as alumnos e as alumnas das aulas Amarela y Azul con motivo do día do Amor e a Amizade.

Precisades...

Para a mestura 1: 

• 500 g de fariña de trigo
• 400 g de azucre
• 3 culleradas de cacao en po
• 1/2 culleriña de lévedo en po (Royal)

Para a mestura 2:

• 3 ovos
• 240 ml de aceite de xirasol
• 2 culleradas de leite
• 1 cullerada de esencia de vainilla
• 2 culleriñas de vinagre blanco
• 1 tubo de colorante vermello

Para a crema de queixo:

• 400 g de queixo de untar
• 150 g de azucre
• 2 ovos
• 1 cullerada de esencia de vainilla

Comezamos acendendo o forno a 180ºC.

Mesturamos os ingredientes sólidos da mestura 1 nunha cunca.

Noutra cunca agregamos os ingredientes líquidos (mestura 2).

Vertemos a mestura líquida (2)  na cunca dos sólidos (mestura 1). 

Reservamos media cunca, a que lle engadiremos 2 culleradas de leite.

Vertemos a mestura final nunha bandexa de forno e cubrimos o fondo coa axuda dunha lingua.

Preparamos a crema de queixo e incorporámola na bandexa do forno no que temos a masa vermella.

Vertemos con coidado a mestura da taza e coa axuda dunha punta ou grafo facemos debuxos ondulares.

Cocemos no forno xa quente a 180ºC uns 30-40 min. 

Comprobamos que está cociñado se ao pinchar un escarvadentes sae seco.

Nesta ocasión empregamos un "cortapastas" para facer racións con forma de corazón.

E como bos amigos e amigas do planeta, reciclamos os envases nos colectores correspondentes!