Co gallo da Semana da Prensa, celebrada entre os días 10 e 14 de marzo, o alumnado da aula Azul preséntavos algunhas das actividades que desenvolven na aula cada mércores coa entrega do xornal "La Voz de Galicia".
Len o xornal, asocian o titular coa fotografía correspondente, escriben palabras a partir dunha imaxe, ilustran titulares, clasifican as noticias en alegres e tristes, completan o mapa do tempo localizando cidades e vilas de Galicia, buscan textos relacionados co medio ambiente, respostan a preguntas, resolven crebacabezas das fotos, buscan palabras seguindo criterios ou descobren oficios.
De forma especial, esta semana recordaron o nome de diferentes xornais de tirada nacional e local, as súas seccións, as partes dunha noticia, a información que transmiten, os oficios vinculados, o proceso de creación e clasificaron noticias en función dos sentimentos que lles despertan.
Comentarios
Publicar un comentario