#SomosInfinitos

O 2 de abril é o día elixido pola Asamblea Xeral de Nacións Unidas para conmemorar o Día Mundial da Concienciación sobre o Autismo dende o ano 2007, e ten por obxectivo promover unha maior comprensión sobre o Trastorno do Especto Autista (TEA).

Este 2025 baixo o lema "Somos infinitos", Autismo España e o movemento asociativo do Autismo en España, invítannos a reflexionar sobre a situación real de miles de persoas con autismo (1/100 nacementos): todas teñen en común o diagnóstico, pero cada unha delas é única, cos seus intereses, necesidades e capacidades.

Esa individualidade desencadea nuns apoios especializados e adaptados a cada unha delas, en función das súas situacións e momentos vitais, e que as administracións públicas deben garantizar, para mellorar a calidade de vida e favorecer a súa participación real na sociedade.

No seguinte enlace podedes visualizar o vídeo da campaña: vídeo promocional

O infinito de cores representa a gran diversidade e singularidade de persoas que se atopan no espectro.

Ti podes participar na campaña publicando nas túas redes sociais unha fotografia sostendo o "infinito" e etiquetandoa con #SomosInfinitos e #DiaMundialAutismo.

Dentro da iniciativa "Light It Up Blue" centos de edificios, monumentos e entidades de todo o mundo, públicos e privados, ilumínanse de azul como apoio e solidaridade coas persoas con autismo e as súas familias.